ТОВЧ ТАЙЛБАР

Сөүл хот: Орчин үе ба түүхийн гайхамшигт нийслэл бол Сөүл хот. Солонгос улсын зүрх сэтгэл болсон гайхалтай хот бөгөөд түүхийн баялаг өв соёлоороо алдартай энэ хотод Хан мөрний эрэг дээр сүндэрлэх орчин үеийн тэнгэр баганадсан барилгууд, хааны орднууд, уламжлалт тосгод зэрэг орчин үе ба уламжлалыг гайхалтай хослуулсан, дэлхий дээр дахин давтагдашгүй өвөрмөц амьдралтай хот бөгөөд жуулчид бүрийн очихыг хүсэлдэг газрын жагсаалтанд заавал багтсан газар юм.

• Гёнбүг ордон, Инсадунгийн гудамж, Букчон Ханок тосгон газрууд нь Солонгосын түүх, соёлыг мэдрэхэд хамгийн тохиромжтой бөгөөд тус улсын өв соёлыг хадгалж үлдэх чухал үүрэг гүйцэтгэдэг. Та эдгээр газраар аялах гэж байгаа бол уламжлалт хувцас (ханбок) өмсөж, тухайн орчинд түүхийн мэдрэмжийг нэмэгдүүлэхийг зөвлөе! 😊

• Орчин үеийн өнгө төрхийг Намсан цамхаг, Ганнам дүүрэг, Лотте Ворлд Тауэр зэрэг газрууд бүрдүүлдэг.

• Амьдралын эрч хүчийг мэдрэхийг хүсвэл Дүнгдэмүн, Мёндун, Хонде зэрэг худалдааны дүүргүүдээр заавал зочлоорой.​

 

Бусан хот: Далайн эргийн үзэсгэлэнтэй сувдБусан бол Солонгос улсын хоёр дахь том хот бөгөөд далайн эргийн гайхамшигт орчин, амьдралын тайван хэмнэлийг мэдрэх газар юм.

• Хэүнде далайн эрэг, Гуаналлигийн гүүр зэрэг газрууд нь үзэсгэлэнт байгалийн төгс үзэмжийг санал болгодог.

• Чагальчи загасны зах болон Гамчон соёлын тосгон нь нутгийн соёлыг мэдрэхэд хамгийн тохиромжтой газрууд.

• Бомоса сүм болон Тэбэгсан уул нь эртний буддын соёл болон байгалийн гоо үзэсгэлэнг тольдон харах боломжийг олгодог.

Бусан хот бол далайн эрэг, амралт зугаалга, соёлын гайхамшгийг мэдрэх хүсэлтэй хүмүүст зориулсан диваажин мэт газар юм.​

​Улсан: Аж үйлдвэр ба байгалийн төгс зохицол: Улсан бол Өмнөд Солонгосын аж үйлдвэрийн төв цэг бөгөөд байгалийн үзэсгэлэн, эдийн засгийн хүчирхэг хөгжил хоёрыг гайхалтай хослуулсан хот юм. Энэ хот нь Солонгосын эдийн засгийн хөдөлгүүр гэгддэг хэдий ч жуулчдын сэтгэлийг татах байгалийн болон соёлын олон гайхамшигтай.

1. Аж үйлдвэрийн хүчирхэг төвУлсан бол дэлхийн хамгийн том усан онгоцны үйлдвэртэй бөгөөд Hyundai-ийн төв байр энд байрладаг.Автомашин үйлдвэрлэл, нефть-химийн салбарын амжилтуудаараа алдартай, эдийн засгийн хөгжлийг тодорхойлогч гол бүс.

2. Байгалийн үзэсгэлэнт газруудТэгугангийн эрэг (Daewangam Park): Хадан цохион дээгүүр далайн түрлэг харан алхангаа байгалийн тайван орчинг мэдрэх газар.Улсангийн нар мандах цэг (Ganjeolgot): Нар мандахыг хамгийн түрүүнд харах боломжтой газар бөгөөд романтик, тайван орчин бүрдүүлдэг.Тэваган голын цэцэрлэгт хүрээлэн: Байгалийн үзэсгэлэнг мэдрэх, амарч зугаалах төгс газар.

3. Соёлын өвУлсан чулууны хадны сүг зураг: ЮНЕСКО-гийн Дэлхийн өвийн жагсаалтад багтсан энэхүү хадны сүг зураг нь эртний соёлын ул мөрийг харуулдаг.Улсангийн соёлын дүүрэг: Орон нутгийн уламжлал, гар урлал, урлагийн бүтээлүүдтэй танилцах боломжтой.

4. Далай, уулс, хотоос бүрдсэн амьдралын зохицолУлсан нь уулс, далайн эрэг, орчин үеийн хотын хөгжлийг гайхалтай нэгтгэсэн, амьдралын чанараараа өндөр үнэлэгддэг хот.Хотын амьдралын хэв маяг нь амгалан, ажилсаг иргэдийн сэтгэл татам зан чанартай хосолдог.